【有片】自私精又嚟料!尼馬入4粒照畀人噓

作者:Gloria 時間:2018-01-18 12:32:03 標籤: 分類:

即去睇睇尼馬畀人噓:http://bit.ly/2mGIWAl
即去睇全場精華:http://bit.ly/2mPBgwI

尼馬同卡雲尼呢對歡喜冤家又有新搞作!話說巴黎聖日耳門周四法甲快車,主場大炒迪安8蛋,卡雲尼21分鐘入咗粒,追平伊巴謙莫域保持嘅156個入球隊史紀錄。原本83分鐘PSG得到12碼,卡雲尼只要射入就可以破紀錄,但係尼馬堅持自己主射,搞到自己食大四喜都要畀球迷噓!

話說82分鐘PSG領先緊7球個陣,卡雲尼博到12碼,尼馬望都冇望就去執波,而且完全唔敢望卡雲尼,烏拉圭射手都知自己冇得親自操刀,耷低頭行出禁區。不過,全場PSG迷都大叫卡雲尼個名,希望尼馬肯讓出12碼畀卡雲尼破紀錄。最後點?阿巴西球王完全冇理到全世界開緊佢汽水,輕鬆射入極刑,完成自己嘅大四喜。

尼馬今季加盟PSG之後一直都負面新聞不絕,而佢本人喺球場上不時充滿個人主義嘅行為,好似今場迪馬利亞15分鐘射入個人第2球咁,其實尼馬本身同對手門神 1 on 1嘅埋門會唔入,天使先會出腳補射。尼馬見天使入波自己本身唔想埋去慶祝,要迪馬利亞係咁同佢解釋個波會唔入,佢大爺先慢慢行埋去,真係小學雞到爆!

講番場波,PSG今仗只係用咗4分鐘,就由迪馬利亞一個超靚入波打開大屠殺序幕,卡雲尼喺17分鐘後接應天使傳中輕鬆頂入,為球隊將優勢擴大到3蛋之餘,仲追平伊巴嘅隊史入球紀錄。當時只係21分鐘,真係要再入一球破埋紀錄都有大把時間。

不過,之後就變咗尼馬個人表演時間,先係完半場前射入靚罰球,換邊後再入兩粒完成帽子戲法,73分鐘個球仲要一個人連過5關後射入,場波可以話係變曬佢個人騷。基利安麥巴比之後入多粒湊夠7蛋之後,PSG冇停落嚟,最終發生尼馬被噓事件。

有外國傳媒指尼馬就被自己球迷開汽水一事唔多高興,查實有邊個畀人噓會高興,不過一早讓個12碼畀卡雲尼,咪唔會發生啲贏波都畀球迷噓嘅奇聞囉。

東網體育FB同你追實體壇每個精彩時刻!
http://bit.ly/2ecTF2A


本文來源:http://hk.on.cc/hk/bkn/cnt/sport/20180118/bkn-20180118080711807-0118_00882_001.html

Apr. 10th 2016

如何選擇美容機構

美容

我們在選擇美容減肥機構之前,就應該更充分了解美容機構好不好的問題,比如美哪家美容中心好。

Apr. 15th 2016

食療養生

養生

如何進行正確的食療養生呢?一個最簡單的方法就是要保持健康的材料,只有食材健康,其他的都會隨之而來應對。

Apr. 18th 2016

台灣旅遊

旅遊

台灣的阿裡山的風俗習慣依然保留著中國清朝等古代的風俗習慣,並且還擁有美麗的日月潭、花蓮海等等知名景點。

Apr. 20th 2016

金融管理人才

金融

一個成功的企業家往往也可以被稱之為半個金融學管理人才,在很多的優秀企業的老闆中,有很大一部分都是懂得金融管理的。